香港的景點其實唔小, 部份是現成的, 部份是投巨資建造的, 大嶼山寶蓮寺的大佛, 工程之浩大, 實在應該係香港一重要地標.  無奈香火總係唔得頂盛, 近日仲準備入場收費, 想像下都覺得惋惜.  其實神佛的野, 要整往個場, 不外乎三招.
一係大佛顯靈, 譬如有人拜完佛後, 得到巨額橫財, 又或者有人拜佛後, 頑疾得癒, 再唔係就应讖文特靈, 唔係話呃人, 事實確是如此, 如果無乜特異功能, 搵鬼拜咩, 要學下黃大仙, 天后借庫咁.
二者大量安放長生祿位, 呢度有大佛佛光普照, 相信比任何寶福出, 圓玄學院, 萬佛寺等受歡迎, 這樣, 不只春秋二祭, 閒日也有人往來.  更可能吸引南亞地區佛眾爭相安放靈位.  到時齋菜也會受惠.
最後就緊係攪節目啦, 佛誕唔好讓長州專美, 攪下放生放白鴒, 請政要黎參拜, 增加知明度, 找大師來演講學, 泓揚佛法.  兼且修葺下上鳳凰山條路, 使佢易行些, 就可以搞觀日團, 教人看香港之顛咁.  都係增加人流和知明度的做法.
加上地鐵的登山吊車, 誠哥的商場, 自身甚至乎可三管齊下, 到時先收入場費唔遲.  落馬州站的蘆葦過瀘法經濟兼收綠化之效, 話唔定可以拍改做山下環境添.  海洋公園的求存之道, 證明香港人的商業頭腦絕不下於美國的MBA.