今日係結婚前3個月既日子, 第一件事要做既就係要去揀註冊時間!

今日一早就去排隊揀註冊時間, 8點9上到去, 點知已經有幾pair人係度. 不過老公話我地係1號籌, 所以就算佢地幾早到都會係我地揀先.......一到9點鐘就開門, 逐個逐個排隊拎form, 我拎完form之後好快咁填, 可惜未填完已經叫我地去櫃檯喇, 個哥哥好好人, 佢叫我地坐低慢慢填, 但隔離個櫃檯已經叫2號籌, 個陣好驚呀, 因為驚佢填得快過我會俾佢揀左先. 填完我即刻交form先, 之後昅到隔離個個仲填緊, 個心先定d. 後來唔知講開d咩, 個哥哥話如果當日冇遲到既話, 就會順住籌號揀時間, 唔會邊個填完先就揀先既~~~~~攪左半個鐘左右, 宣誓埋完就走人.

之後就去睇醫生同做facial, 咁大個女第一次做facial, 好彩都冇乜敏感, 但俾佢按完我個膊頭之後痛左成日, 攪到行街都冇乜mood!

講返結婚先, 其實真係仲有好多鎖碎野未做: 過大禮, 小禮物, 花球, 俾酒樓整野既相, 賓客既名單.......