今日又係屋企煮飯

其實一日係屋企流流長, d人成日都問有咩咁多野做呀? 哈, 唔係置身其中, 真係講俾你聽都唔明呀!

就好似今日咁, 一早起身同阿樹修剪下, 之後一路聽收音機, 一路搵工. 再之後就食lunch喇......中午打電話問個微波爐點解發出咇咇聲, 佢竟然好早率咁教我教返岩個時間, 車, 我自己都識啦. 好彩我都醒目, 係收線前一刻俾我發現, 於是就質問佢我既問題未解決, 佢依然好敷衍咁話係咁, 冇得救, 仲講左d好唔make sense既野出來, 好, 你既然咁既態度, 我都費事勞氣呀, 叫個高級既同我講, 卒之連個高級既都攪唔掂, 要搵師傅上來睇!

攪完個微波爐, 就再搵工.........之後就吸塵, 再去搵工. 到咁上下時間就收埋d衫, 拖埋個地. 咁就要準備煮我既dinner喇, 今晚雖然煮2個餸, 因為尋晚係阿媽度拎左有1個餸返來, 所以煮少個. 但2個都係我第一次煮, 好彩煮出來都好好味, 好開心呀!

今日早左食飯, 食飽飽可以執下我地2個張書枱, 執下執下都執左個幾鐘, 睇埋電視沖埋涼再睇龍珠就訓教喇!