reset記憶

點樣可以令自己唔再唔開心......

就係不斷將痛苦纏繞在身, 到達無可再痛的時候, 會發現其實唔開心及所謂的痛苦, 都只係一種感覺....

有一個人曾經同我講, 有時人只係欠 "燈" 的一聲, 當你真係聽到 "燈" 的一聲出現, 眼就會開, 會清楚見到自己真正的境況, 唔會再唔開心, 因為已經好清楚路是如何行下去, 感到真正既自己正在出現.......

最近遇到幾吸引人既異性~~心裡面真係好想拍拍拖談談情~~男人認真工作既時候~~睇住佢對住難題時鬆容不逼~~見招執招~~真係忍唔住望多幾眼~~

諗下發下夢好lu~~唔想再傷多次~~最近反而覺得~~追求$$會安全得多~~$$可以令自己係較為安全的狀態~~都係同$$拍拖好了~~

首先唔sure 對方知唔知我係見到~如果對方知道我係見到的~又或者不幸地我又是唯一見到的人~如果傳左出去~好易會比對方估係我爆出去的~比多左一個人知~傳出去既機會就更高~

應唔應該話比上頭知nei?? 佢其實都幾值得我信賴~做野手法應該比我洽當好多~但尼件事比佢知道左可能會加添佢既麻煩~又或者唔知好過知~

我就當自己眼花算了~反正對方又不是我仇家~我冇必要借機攻擊佢~只係意外地睇清楚尼個人原來係甘樣樣~

當冇事發生過算了~有時好多野唔記得左佢~又或者放係心里面的"小冰隔"到~有必要時先law 出尼仲好~~

記得見尼份工之前~requirement 提到willing to work overtime and under pressure....

在下中意係大公司工作~因為有幸係大公司做~自己都會有d光榮感同自豪感~而大公司既人事亦真係同公司既size 成正比一樣甘大~ (當然在下都知咩野類型既公司都會有人事問題la)~在下不嬲係工作型~唔太中意加入黨派~做好公司d野之後收工咪好law......樣樣野都趕時間攪店~~又唔可以出錯~~d得閒既人點解真係可以甘得閒?

係尼到~麻煩既人真係唔少~蝦新人既情況都好嚴重~有時真係唔想做落去~d人又唔好~老板又惡~HR又不知所謂~究竟尼份工有咩野好??

有D想我加入佢地黨派既人~連我去洗手間都跟住入尼套我口風~又想等埋我收工一齊走~有D人好想離間我同上頭既關係~我唔想加入就刻意反野..AI.....點解唔比心機做好自己份工nei?? 你地班旦散遲d就知死味道~~在下係有禮數之人~~有機會實會回禮的~~

有d灰心~~我又同自己講~~唔好太被情緒影響~~再問下自己一直以來自己既夢想~~夢想係咪大過尼d野??我答自己:"係ar!"~~well....final conclusion~~再行落去~~~

心態上要調到去開心d既狀態~~別為小事找狂~~再細心諗下~~尼d蝦新人既人通常職位都唔高的~~越低職位既人越中意攪埋d甘既小動作~~又何需為尼d人唔開心nei~~差d唔記得自己既title 係大過人地既tim XDDDD

1st set alarm,  2nd set TV 預設開機(較到自己平時聽得清楚既volume, 通常一大早聽覺係好sensitive，唔水較甘大) 3rd set 埋手機　相差３０－６０秒就最好～～

最好d野放定係手袋~except 早上要用的唇膏袋~放係鏡邊~

預備定dressing

不防check 下有冇將銀包同八達通放好

仲有門匙要係固定地方~~

最好最好係早d訓~~驚訓唔著既話~沖個良後就即去訓都唔錯~or 用暖水洗下隻腳先訓會ｃ服ｄ

仲有我發覺～～夜晚食ｄ太”次激”味道既野eg :咖哩雞飯～都會令自己訓唔著～

好多人覺得催眠好似係好科幻既野~其實我既理解係~好多好簡單既野~例如個d公司叫d Sales 一大早上天台叫口號激勵士氣~無自信既人要不斷同自己講"自己得既自己得既"~d行衰運既人不斷同自己講"一定lai 野的一定lai 野的"(跟住就照佢地意思成全真係lai 野了)....催眠就好似係甘樣樣既野~~

最近睇左本書~同我既諗法幾似~其實未睇哂~因為d個案太長~我skip 左d尼睇~作者係心理e生~佢覺得~任何人~特別係有憂鬱症既人~其實已經係一個好強既催眠師~因為佢地經常說服及催眠自己~深信自己負面所想的係全對係屬實的~~

簡單尼講~只要自己放鬆~由呼吸開始慢慢倒數~比自己去到極放鬆既狀態時~係尼個時候放入指令既說話~如 "我係傻瓜~我係傻瓜~我係傻瓜"~久而久之, 自己就會由心里面發出signal~覺得自己真係傻瓜的了~~~

以前有d事物~自己的確諗唔起~每次想諗起某d事件或人物時~唔會諗得起係咩人咩事咩模樣~只係心靈好似見到自己行左去一道門~一道只須ignore 既門~同埋一d 好嘈既聲音(定唔知係嘈音)....腦就痛一痛唔要再諗了~我是傻的

我覺得我而加最須要同埋已經做緊既野係~努力工作~賺好多好多既錢~成為非常非常有錢既人~我會放d開心既元素比自己~免得自己太氣餒太辛苦~跟住再用力行下去~~

其實能夠搵到自己中意既人~而對方又中意自己~真係唔係甘易~

男人單身未婚時~叫鑽石王老五~女人30一過仲未娖嫁就~叫老姑婆~有時聽d三姑六婆講某某女子仲未嫁得去~之後就細聲講大聲笑~都會偶爾忍唔住望一望佢地~well.....佢地既老公真係好偉大~甘既款同都肯kun~ 真係唔係個個都頂得住~~

新聞一講到男女比例失衡時~d婚姻介紹所都一定講~叫香港d女仔唔好甘眼角高~就好似同香港d女仔講~想嫁得去就張就下la.....香港單身既女仔壓力真係唔少~~當然男人亦有自己既辛苦~從來唔會有男女平等~只係大家既角色唔同~有苦自己知~~

我亦曾經問問自己~同一d自己唔太中意既男人拍拖可以ma? 感情可以培養出來的~對方對自己好咪得law....但係自己真係唔太開心~對對方亦唔公平~而且年頭的情傷~記憶已很模糊~但我很清楚~我再受不起多一次的沖擊了~

我冇資本輸多一次~反而單身帶點痛楚的寂寞~可能自己還應付得來~~

BTW.....有個調查發現～單身的人通常比已婚有家室的人短命早死ｄ～尼個非常好～我都想早ｄ死 XDDD

狗狗尼講~細個過時真係好驚~因為曾經比狼狗咬損過背隻~但身邊的朋友好多都養狗~久而久之~自己都養左兩隻小魔怪~ 佢地~ 訓~食~柯~玩~ 訓~食~柯~玩~ 其次就係搵監察我既一舉一動~~ 特別係整野食既時候~~

至於貓貓~其實本來唔太中意~好似有d人講既甘樣樣~貓好似奸奸地甘~~但再一次地~身邊養貓的朋友都唔少~佢地有d真係好有性格~坐到屋頂甘高~好有氣勢甘BEAR 住你~有d就真係好dei~你唔摸佢就係甘 MELL MELL MELL ~有d就係唔係都 fee 你 (諗住發尼d聲尼嚇走人)~但其實d貓都幾可愛~

有時做野番工甘辛苦~家里有隻小天使的確係幾開心幾減壓~同佢地反時佢地開心自己又開心~

但係要記住記住記住~一定一定一定~要好好善待佢地~照顧佢地一生一世~動物揀唔到主人~只有主人揀動物~

BTW......記得岩岩買哥哥番屋企時~~發夢見到佢講野~~叫我一定要照顧佢一世~~真係嚇左一嚇~~

要偷點點的時間了~~

偷星期六下午未去街的時間, 洗衫及預備下星期天的衣著~ 等weekday 唔水花時間襯衫同埋洗衫

偷整個星期日的時間~~睡到日落~~手提turn to 會議 status....

偷了weekday 的 dinner 時間~~日日OT~~夜晚九點半才回到家~~偷了食晚飯的時間去洗澡~~提早休息~~

頂唔順~~要訓了~~

中庸點去行會更好~~~

在我過度正面的時候, 不如意的事一定會來探訪我, 我越笑咪咪去迎戰, 牠卻越愛攻擊, 直至我真的好累不想再行時, 牠就qiu著手在看我哭, 恐怕我記不起以前由少至大的不幸事件, 要令我都忍不住笑自己的無能, 牠才滿意地安靜下來

有種感覺, 牠不是我的敵人, 牠只想跟我做朋友, 想我跟牠行出一條更有趣的路~~

無助的世界中, 想死的人死不了, 很多努力生存的人卻死了

星期五晏就去左書展,真係幾多人, 在下2點係華潤行過去...要成3點先入到hall 2, (唔小心去左hall 1 孩子天地, 打成2-3個蛇餅先走得, 係hall 1 比d小孩子step左好多腳, 周圍都係小孩子, 果然係是孩子天地~~)

係hall 2,特價書100蚊4本, 亦有d booth 可以追購番欠漏既雜誌, with中文板齊哂甘制, 150cm life 六折有得買，　亦有d精品booth, 也D宗教包括天主教佛教基督教的booth, 當然唔少得三聯, 商務同大眾既booth la

在下並冇特別收獲，　唔知係咪太多人，跟本冇心機揀書, 有d書自己都有, 書局都有, 4:15pm 就走人了，搭lift走時, D人仲多過尼個時, 好在走得快~~

有好多人會問問題...今次係訪問個女人...佢做過 jardine...motorola.....Ikea....同埋manning....既 marketing.....now is director 了, 就一於聽下佢講乜la....

最好既MARKETOR....佢個人認為係要好多時接納其他人既意見, 要知既係對方係想要D乜....唔好太自己主意....

佢話有ｄ野叫陰陽街．．．即係話有ｄ鋪真係會好旺．．．有ｄ鋪位真係會冇人去．．．．要自己花時間去睇的....如果有間鋪係係上落電梯位．．．佢guarantee 會有２０％營業額．．．而鋪位近B/F...G/F...1/F, 電梯既上點同落點都會有唔同的效果的～

同埋我發覺所有訪問過既ＣＥＯ．．．佢地都有個相同之處, 就係好中意自己間公司, 同埋諗野化得尼又幾正面....

後尼同朋友仔傾計(佢讀緊marketing)...佢都話有教過陰陽街, 陰街唔旺丁又唔旺財, 就好似arygle 先達對面甘樣樣....我諗起又係wor...個d位我行過就算....唔會去買野的.... 甘點解仲未執粒?? 因為係個D位可以賣下招牌廣告....(係旺區D招牌又真係收得好金 XDDD)....有時見d鋪頭就算近巴士站...都要睇個過站d 人係上車番工定落車收工.....

HK 既好處係資訊非常夠～～～岩唔岩就要自己諗了 XDDD

可能因為太多野做, 覺得d時候過得好快, 好快就到weekend....亦都好快到番weekday....

由於超多reports 要做....一時間都唔知自己做緊既野到底係乜, 教我個人其實都唔太識教人....我唯有靠自己了......

每次當我灰心時, 我就會問番自己究竟想要d咩? 我而加所行既事對將來有冇幫助? 現在只係時間既問題, 目標會因著我既能力同埋隨著時間慢慢實現的!

本來覺得股災會10月尼料的.......但係覺得應該唔會lu....甘多高手都話bubble 快爆, bubble 快爆, 點知個市跌一跌又升, 跌一跌又升.....

我反而覺得, 10月有既會係調整....如果冇....我諗2008 奧運之後....有野睇了

好在e生開左d 葡萄糖包比我飲....食野都係均衡d好.....尼幾日又食蔬果又飲湯....突然覺得自己好健康.....

身體好左...個腦都好似清晰左....新工就快番, 對於新環境會點又有d驚; 想學人投資, 但錢又唔係多 ; 買買埋埋好多書, 一時間唔知睇邊本好, 因為覺得本本對我都好有用, 好心多, 時間卻唔多; 我間屋再唔執野就真係變成狗窩了.... 真係屋同人都一樣好亂....

逐樣逐樣來...1)先執屋 2)再順序睇邊本書最中意就睇先(我睇書比較慢, 會睇兩次, 第一次好快甘睇, 睇完標題就高速數左d內容, 覺得真係中意就睇第二次, 睇第二次時通常會入埋腦的) 睇唔哂尼d 書就唔好再買住la!!! 3)跟住比心機做好份新工, 希望真係可以做好尼份工, 4)投資既野, 都係等份工穩定左先玩下..... 而加可以準備下先....資訊太多了, 要睇d真係有影響力既野先得

一定要保持健康的身體, 身體健康個人都會開心d, 仲要拒絕負面思想, 正面去面對所有事物(最近尼樣野做得幾好, 雖然抑鬱偶有發作, 但我決定過得開心d, 我會儘量avoid被 stimulate...) 一步一步行出成功富裕之路~~~希望得la